Sujet : pour les tchit biloute | |  Posté le 09-12-2009 à 14:15:15
| Ballade d'ches monts d'caiaux
Dit’s me chi, quo qu’cha n’est ch’pays
Qui arsann’toute à inn’taupinière
Veuc ses monts d’caiaux noirs et gris
D’ù quiqu’fos s’échapp’nt des funquères.
D’certains n’rest’ quiqu’pugnies d’poussières
D’z’aut’s sont incor fort imposants
Quo qui sont: ruches ou formilières
Nan in nomm’cha terril m’z ’éfants!
I n’a des grands, des bins bâtis,
Des langreux, plats comm’des tortières;
Des fins, des ronds, des tout finis,
In cordillières ou solitaires;
Des ridés sillonés d’ornières
Des lisses ainsi qu’fourrur’ed fouan
Ziggourats ou bin baptistères
Nan in nomm’ cha terrils m’z ’éfants!
I n’a des rouch’s, des ross’s, des bis,
Des chauves tout nus ,des sins manières,
I n’a qui sont peints vert de gris
Des qui s’print’nt pour des pépinières.
I n’a des douch’s qui s’laich’tent faire
Et des tout rait’s, des vraimint suants
Des montann’s sont ti ches tiots frères ?
Nan in nomm’ cha terrils m’z’éfants .
Os savez qu’y a pont d’long d’ichi
Inviron quiqu’z’ans in arrière
D’certains voulot’nt qu’in les ar’nie
Ches gros tas gacheux d’ nou leumière !
Aveuc lu dégaine ed chim’tière
Dins l’paysache z’avot’nt l’air gland
Ch’n’étot qu’des viux crassiers vulgaires
Nan in nomm’cha terrils m’z’éfants !
Ches Coulonneux
Aujourd'hui mes gins
Et ' ch va vous parler un momint
d'un problème, que ch'cono bien.
Et' ch' va vous parler et' chés coulonneux
Et de ch' qui les intint
Quand y' d'viendront vieux.
Cha va peut-être faire sourire
Tout cheux qui ne ' l' sont pas incore
Mais pour eux aussi, un peut l' dire
Ils n'échappront pas à leur sort.
Cha fini toudis par arriver
A cheus qui deviennent pinsionnés.
Et' ch'va surtout pas vous parler
D' leurs exploits, et d' leurs champions.
Parce ' que, même avec un gros cahier
In pourrot pas tout écrire sur leurs coulons,
Vu que din leur société
Y sont toudis les meilleurs.
Et si au championnat, y sont pas premier
Ché à cause et' d' tous leurs malheurs !!!
Les tondeuses et' d' leurs voisins !
Ou bien et d' leur linge qui pind !
Et' d' leur tchien qui gueule toudis pour rien !
Et pis aussi, et s'avions qui font du potin.
Et bien, comme vous l'véyez,
Même à coulon, un pourra pu juer.
Pour chés pigeonnier, ché incore pire,
Avant, l' gratter, chéto notre plaisir.
Mais avec l'âge, et tous nos douleurs
Chà devient, un' vraie corvée.
Pour chés nichettes, qui sont à hauteur
Ché pas trop dur pour nettoyer.
Mais l' plus difficile, ché ch' plancher
Quand un ramasse leurs crottes,
Pour s'arléver, un' n'a plein ses bottes,
A cause et ' d' nos reins qui sont coincés.
I' un' n'a qui sont des malins
I printent un' hoette et' d' leur gardin
Et un balai qui z'ont récupéré
Pendant qu'leur femme a l'avot s'un cul tourné.
Mais n'impèche, ché un rude jeu
Pour chés coulonneux, qui d' viennent vieux.
Et pourtant, juer à coulon
Ché un bon passe-temps.
Aller au siège, pour les inlogements
Ché un' excuse pour sortir d' s' maison.
Surtout quand un a un' petite buvette
Et qu'un peut boire, un' paire d' verres
Sans intinte s' femme qui rouspette.
Discuter avec nos amis, nos copains,
ed' nos déboires, et d' nos misères
Tout un sirotant, s' un petit jus d' raisin.
Et à chés dépouillements, chés incore mieux
Un intendant ed' raviser chés feuilles ed' jeux
Un écoutant tous chés coulonneux.
Chés raleux, chés grincheux, chés rouspéteux
et aussi, cheus qui sont contints
D'avoir bien constater
Et ceux qui ont l'espoir, pour certains
Et qu' leur coulon, y s'ra l' premier
Un tout cas, pour eux, ché incore un' bonne journée.
Et avant d's' un aller diner
Y vont un avaler un dernier.
Y' un' à, ché d'ébousemint
Y' un' à, ché contint' mint
Mais tous y s'ont un point commun
Chés coulons, ché leur passion.
Et qu'ils soient tristes ou contints
Y' pourront pas, s'passer d'leurs coulons.
Et, in rintrant à leur maison
Avant d'qu'émincher à minger
I' vont aller jusqu'à ch' pigeonnier
Raviser si' y' leur minque pas d'pigeons.
Ché cha qui s'appelle un' passion !!!
Et comme je l' disot au début,
In est bien malheureux, quand un'peu pu
S'occuper ed' nos chers coulons.
Cheul' parlache ed parchi
Mi j’ai gramint eu querr’: « la langue de chez nous »
Cheull’canchon qu’Yf Duteil, i a si bin fignolée;
In l’intindant j’ôs l’jur’, j’n’a eu un cop d’grisou,
V’lô là inn’bell’canchon, aveuc un text’ sinsée.
Car à tout’s ches radios, in n’intind que d’z’inglais,
Des rappeux dérapés, d’z’ hardrockeux déjantés.
J’ai rin cont’e, après toute, i faut bin s’exprimer,
Mais infin d’compte faudrot pont oblier l’français !
Donc parlons l’provençal ou l’pariguot aussi,
L’ patois d’ches bons normands, l’français d’ches quebecquois,
Mais faudrot pont veyons qu’inn’ fos d’pus in oblie,
Que l’parlach’ d’ches picards ch’est aussi du françois !
Adon ôs permettrez, ch’n’est qu’justice après tout,
Que j’rajoute quiqu’couplet dins l’parlache ed parchi.
Si ch’est sûr qu’y a l’langue d’Oc, d’ù qu’ches « le » s’dij’tent « lou »
Y érot aussi l’langue d’Oil, d’ù qu’ches « moi » s’dij’tent « mi ». !
Ch’est un vaillant parlach’ qui ceurt dins nou province,
Inn’ piéch’ d’un viux puzzle qui armont’du fond des aches.
Si l’carpinte n’es montr’ point aveuc inn’seu batinsse,
L’ Français n’s’a pont construit, aveuc un seu parlache!
Et du sud Picardie, à l’lisièr’ d’ches flaminds,
In acoutant jacter ches gins dins nou pays,
Os pourrez perchevoir d’nou Histoire les tourmints;
Mais sins délamintries ch’est pont dins nous manies.
Ch’est un vaillant parlach’ , douche et dur à la fos;
Ainsi qu’sab’e ed nous plages inteur de d’ches marées.
Ch’est d’abord in s’taijant, qu’in in comprind ches mots,
In f’jant parler sin coeur, in évitant d’busier !
Nous « a » i sont tout fraiqu’s, in chuinte gramint aussi,
Quiqu’fos in oblie z’ « h », pis in armonte ches « re » .
In berche nou tiot quinquin, in brait autint qu’in rit ,
In arnéqu’ ches gros fats, in arclaqu’ches arvleux!
Si in s’met in colèr’, pé t’ êtr’ cha va barder,
Mais faut gramint l’cacher pour vire monter nou lait.
L’Histoir’ nous a apprind, quo qu’ch’étot que s’mucher,
Mais in connot nou d’voir, in l’a souvint moutré...!
Ch’est un vaillant parlache, adon osons l’moutrer!
Si cange ed sintimint ed villache in villache;
Ch’est pour chi démoutrer nou caboche ed beudet ,
Nou goût d’la liberté et nou profond courache.
Et du sud du Ponthiu aux confins Artésiens,
Si z’intindez canter dins l’parlache ed parchi.
Ch’est qu’par au d’zur les tiêtes corn’nt dins nou ciel ches vints,
Harpe aux couleurs de bise par la brise adouchies.
Les terrils
Du Pas d'Calais jusqu'à dins ch'Nord,
In les vot tertous alignés,
Marquant tout l' pays des effrorts
que ché mineurs ont toudis faits.
Y in'a des ronds, des pointus,
des ceux qui sont pus allongés.
Combin d'infants ont jué d'sus
Malgré qui avot du dinger !
Y in'a des rouches et des noirs :
L'couleur ch'a fait leu qualité.
I n'ont jamais pris fu, ché noirs,
Tandis qu'les rouches i ont brulé !
In dit qué l'fu, faut d'n'avoir peur.
Pour chu qui in est d'nou terrils,
Si n'brûl'tent point, ch'est un malheur.
Tous les gins vous l'diront, ichi !
A ch't'heure in veut les imbellir
In y plantant des tiots arbus :
I paraît qué cha féra v'nir
Des vacanciers qui iront d'sus !
cha s'ra, fort certain'mint pus biau,
Mais cha much'ra la vérité :
Des terrils verts ! Cha s'ra nouviau !
Ch'n'est point pour cha qui tottent faits !
Croyez-mé ou n'mé croyez point :
A tous les cops, quand j'arviens d'long,
Qué j'arvos les terrils d'min coin,
Eh bin... min coeur... i fait un bond !!
Réverie d'un Chtimi
Un bio matin fort co
A ch’terasse d’café
In chtimi buvot in d’mi
T’nant d’in s’main eun bone bière eud chti
L’aut’main sus s’minton,
Longuemint y ravisot
L’ojeau su tôt.
Douchemint l’ojeau passot su l’nochère
Qui berloquot, car y pouvot tcherre
Et pourtin y cantot
Tout contin y fretillot.
L’chtimi pensot alors tut haut :
« Ha ! qu’j’voudro ête t’ojeau »
Car j’volro toudis plus haut
Pour vir grinmint ch’est gins et l’monde d’en haut
J’touch’ro eud min r’gard eud mineur eud fond
Chocun’des biautés eud ch’monde…
ça c'est de la poécie 
Edité le 09-12-2009 à 14:15:57 par remi
|
| |  Posté le 09-12-2009 à 14:27:09
| 
super remi !!!!!
l indien y vas ren conprent !!!!!!!!!!
 |
| | Posté le 09-12-2009 à 14:44:17
|  Avec le traducteur ça va |
| | Posté le 10-12-2009 à 09:38:07
| coucou54300 a écrit :
Avec le traducteur ça va |
tu conprint se con dit!!!
|
| | Posté le 10-12-2009 à 10:26:34
| | Jean Pierre j'viendrai prendre des cours |
| | Posté le 10-12-2009 à 11:06:58
| ok a st avolt !!!
avec une bonne leffe!!!! |
| | Posté le 10-12-2009 à 11:12:52
| jp4959 a écrit :
ok a st avolt !!!
avec une bonne leffe!!!! |
ou eun bone bière avec dl'mouche et bin frek |
| | Posté le 10-12-2009 à 11:15:15
| remi a écrit :
[citation=jp4959]ok a st avolt !!!
avec une bonne leffe!!!! |
ou eun bone bière avec dl'mouche et bin frek :D[/citation]
 |
| | Posté le 10-12-2009 à 11:17:48
| | raviss ché gross totote |
| | Posté le 10-12-2009 à 11:18:48
| | a n pas traduire |
| | Posté le 10-12-2009 à 14:38:02
| guy a écrit :
raviss ché gross totote |
guy parle le chtimi
|
| | Posté le 10-12-2009 à 21:47:48
| y sont tous fous depuis le film bienvenus chez les cht'is  |
| | Posté le 10-12-2009 à 21:51:14
| | Dis jp il n'y a pas que l'indian qui n'y comprend rien |
| | Posté le 11-12-2009 à 08:02:17
| BAGADAIS-05 a écrit :
Dis jp il n'y a pas que l'indian qui n'y comprend rien |
ha ti aussi !!!
|
| | Posté le 11-12-2009 à 08:54:47
| | ben mi pas |
| | Posté le 11-12-2009 à 08:57:42
| guy a écrit :
ben mi pas |
on voit que tu traines avec des chtimi !!!!!
|
| | Posté le 11-12-2009 à 11:27:50
| Guy est un grand voyageur  |
| | Posté le 11-12-2009 à 11:35:27
| remi a écrit :
[citation=jp4959]ok a st avolt !!!
avec une bonne leffe!!!! |
ou eun bone bière avec dl'mouche et bin frek :D[/citation]
rémi veut une bonne bière avec de la mousse et bien fraiche  |
| | Posté le 11-12-2009 à 11:37:24
| jp4959 a écrit :
[citation=guy]ben mi pas |
on voit que tu traines avec des chtimi !!!!!
:lol:[/citation]
logique JP mes amis éleveurs se trouvent dans le nord,et au faite tu mets des krymkas biloutesà saint avold? |
| | Posté le 11-12-2009 à 12:34:51
| | ben oui!!!!! |
| | Posté le 11-12-2009 à 13:05:07
| guy a écrit :
[citation=jp4959][citation=guy]ben mi pas |
on voit que tu traines avec des chtimi !!!!!
:lol:[/citation]
logique JP mes amis éleveurs se trouvent dans le nord,et au faite tu mets des krymkas biloutesà saint avold?[/citation]
ché ben vraille cha! (cela est vrai) |
| | Posté le 11-12-2009 à 17:41:16
|
hé ja wie redden dan die
esch wersteht nixx
 |
| | Posté le 11-12-2009 à 17:42:11
|
GUY um hilfe |
| | Posté le 11-12-2009 à 21:19:29
| | La je suis plus |
|
|
|